6.08.2024.

Қазақстан Республикасы Ғылым және жоғары білім министрлігі шетел азаматтарын, ҚР азаматтарын, сондай-ақ ҚР азаматы болып табылмайтын ұлты қазақ тұлғаларды еліміздің жоғары оқу орындарының дайындық бөлімдеріне оқуға шақырады.

Гранттардың саны мен түрлері:  

 ҚР азаматы болып табылмайтын қазақ ұлты үшін – 1300;

 тілдік курстар үшін (ҚР азаматтарына) – 200;

 тілдік курстар үшін (шетел азаматтарына) – 50;

 Түркия Республикасының және басқа түркітілдес республикалардың азаматтары үшін – 200.

 Құжаттарды қатысушы жоғары оқу орындар 2024 жылдың 5 тамызы мен 5 қыркүйегі аралығында өздерінің сайттары арқылы қабылдайды.

Дайындық бөлімдерінде білім алушыларға арналған білім беру гранттары келесі жоғары оқу орындарында орналастырылады:

 Академик Е.А.Бөкетов атындағы Қарағанды университеті,

 Әл-Фараби атындағы ҚазҰУ,

 Қожа Ахмет Ясауи атындағы ХҚТУ,

 Л. Гумилев атындағы ЕҰУ,

 М.Әуезов атындағы ОҚУ,

 М. Қозыбаев атындағы СҚУ,

 Торайғыров университеті,

 Ш.Уәлиханов атындағы Көкшетау университеті,

 А.Байтұрсынов атындағы Қостанай өңірлік университеті,

 Қорқыт Ата атындағы Қызылорда университеті,

 Д.Серікбаев атындағы ШҚТУ,

 Шәкәрім атындағы Семей қаласының университеті,

 Оңтүстік Қазақстан педагогикалық университеті,

 С.Аманжолов атындағы Шығыс Қазақстан университеті,

 Абай атындағы Қазақ ұлттық педагогикалық университеті,

 Павлодар педагогикалық университеті.