8.04.2024.
2024 жылдың 4 сәуірінде Абай атындағы ҚазҰПУ-да Ғылым қызметкерлерінің күніне орайластырылған Ғылым декадасы – 2024 Саясат, мәдениет және дін мәселелерін зерттеу орталығының салтанатты ашылуымен басталды.
Орталық ҚР Ғылым және жоғары білім министрлігі қаржыландыратын «ВR21882428 - Постқалыпты кезеңдегі исламның рухани, мәдени, саяси, әлеуметтік феномен ретіндегі әсері мен болашағы: Таяу Шығыс және Орталық Азия елдерінің тәжірибесі» бағдарламалық-нысаналы ғылыми жоба аясында ашылды (Ғылыми жетекшісі – PhD Елена Музыкина).
Іс-шара барысында Басқарма төрағасы-ректор Болат Тілеп қатысушыларды жаңа орталықтың ашылуымен құттықтап, университеттің ғылыми әлеуетін дамытуға бағытталған бұл маңызды қадам жас ғалымдар мен зерттеушілер үшін жаңа перспективалар ашып, орталықтың қазіргі әлемдегі саясаттың, мәдениет пен діннің күрделі аспектілерін терең зерттеуге үлкен мүмкіндік беретінін атап өтті. Сонымен қатар, университет басшысы бұл бастама тек университетте ғана емес, жалпы елде де ғылыми зерттеулердің жандануына ықпал ететініне тоқталды.
Саясат, мәдениет және дін мәселелерін зерттеу орталығының ашылуы университеттің ғылыми базасын нығайтатын және ғылыми зерттеулерді, әсіресе қазіргі әлемдегі әсерлер мен перспективаларды зерттеу контекстінде жандандыруға ықпал ететін маңызды оқиға болып табылады.
ҚР Ғылым және жоғары білім министрлігі қаржыландыратын жоба ғалымдар мен жас зерттеушілерге қоғам дамуының күрделі аспектілерін зерттеп, талдауға бірегей мүмкіндік береді.
Орталықтың құрылуы Қазақстанның жетекші педагогикалық университетінің ғылыми базасы мен академиялық беделін нығайтуға, сондай-ақ маңызды әлеуметтік-мәдени және саяси мәселелерді зерттеудің заманауи тәсілдерін дамытуға бағытталған тағы бір қадам болып табылады.
Comments