Техникалық және кәсіптік білімі бар кадрларды даярлауға мемлекеттік тапсырысты қалыптастыру және бөлу бойынша жыл сайынғы комиссияның отырысы. Алматы қаласы білім басқармасының баспасөз қызметіне сілтеме жасап, «Современное образование» журналы хабарлайды.
Алматы қаласы білім басқармасында 2023-2024 оқу жылына техникалық және кәсіптік білімі бар кадрларды даярлауға мемлекеттік тапсырысты қалыптастыру және бөлу бойынша жыл сайынғы отырыс өткізілді.
Комиссия жұмысына бизнес, қоғамдастық, әкімдіктің құрылымдық бөлімшелерінің, "Атамекен" кәсіпкерлер палатасының, Алматы қаласының білім беру саласындағы сапаны қамтамасыз ету департаментінің өкілдері және мәслихат депутаттары қатысты.
Жыл сайын әкімдік қаланың еңбек нарығын қажетті орта буын мамандарымен қамтамасыз ету үшін, сондай-ақ 9 және 11-сынып түлектерін колледждерде тегін оқытумен қамту үшін кадрлар даярлауға қаражат бөледі.
Ағымдағы жылы қала әкімдігімен мемлекеттік білім беру тапсырысы бойынша 16 500 орын бөлу жоспарланған, бұл өткен оқу жылынан 1600 орынға артық.
Кездесу барысында қатысушылардың кәсіптік және техникалық білім беруді дамыту болжамы, сондай-ақ 2023-2025 жылдарға арналған кадрларға қажеттілікті талдау туралы баяндамалары тыңдалды.
Осы қажеттілікке сәйкес комиссия 2023-2024 оқу жылына арналған мемлекеттік тапсырыс бойынша 88 мамандықтың тізімін анықтады. Сонымен бірге, мамандықтар тізіміне жаңа оқу жылынан бастап "Жаңартылатын энергетика" жаңа мамандығы қосылды.
Айта кетейік, маусымнан тамызға дейін колледждерге оқуға қабылдау басталады. 1 қыркүйекке дейін колледждерде нақты қабылдау негізінде және әкімдіктің қаулысымен мемлекеттік тапсырыс орналастырылатын болады.
