Алматыда «Орта білім беретін үздік ұйым» грантын тағайындау конкурсы басталды. Алматы қаласы Білім басқармасының баспасөз қызметіне сілтеме жасап, «Современное образование» журналы хабарлайды.
Алматыда «Орта білім беретін үздік ұйым» грантын тағайындау конкурсының аудандық кезеңі басталды, ол 5 мамыр 2023 жылға дейін жалғасады.
Конкурс грант мөлшері мен оны беру тәртібін белгіленуімен жыл сайын өткізіледі. Конкурстың екінші (қалалық) кезеңі 10 мамыр мен 30 маусым 2023 жыл аралығында өтеді.
Конкурстың мақсаты – тиімді педагогикалық және басқарушылық тәжірибені жинақтау және тарату, ҚР-да орта білім беру жүйесінің даму тенденцияларын анықтау. Сонымен қатар байқау қаланың орта білім беру ұйымдарының педагогтері мен басшыларының кәсіби және жеке өсуін ынталандыруға мүмкіндік береді.
Конкурсқа қатысуға барлық мемлекеттік орта білім беру ұйымдары жіберіледі.
Қазақстандық білім берудің бәсекеге қабілеттілігін қамтамасыз ету және жоғары рейтингтік көрсеткіштерге қол жеткізу үшін конкурсқа қатысушыларды іріктеуді Қазақстан Республикасы Білім және ғылым министрінің 2014 жылғы 26 желтоқсандағы №544 бұйрығымен бекітілген қағидада белгіленген критерийлер бойынша конкурстық комиссия жүзеге асырады.
Конкурсқа қатысуға барлық мемлекеттік орта білім беру ұйымдары жіберіледі.
Қазақстандық білім берудің бәсекеге қабілеттілігін қамтамасыз ету және жоғары рейтингтік көрсеткіштерге қол жеткізу үшін конкурсқа қатысушыларды іріктеуді Қазақстан Республикасы Білім және ғылым министрінің 2014 жылғы 26 желтоқсандағы №544 бұйрығымен бекітілген Ережеде белгіленген критерийлер бойынша конкурстық комиссия жүзеге асырады.
Қатысу үшін білім беру ұйымдары конкурс комиссиясына белгіленген мерзімде келесі құжаттарды өткізеді:
конкурсқа қатысуға өтінім;
белгіленген критерийлерге сәйкес тиісті материалдарды тапсыру.
Конкурс комиссиясының әр деңгейдегі шешімі хаттамамен ресімделеді, дауыс беруге қатысқан төраға, төрағаның орынбасары, хатшы мен комиссия мүшелері қол қояды.
Қалалық конкурстық комиссияның қарауына қала аудандарынан құжаттар 10 мамыр 2023 жылы Алматы қаласы, Қалдаяқов көшесі, 62 А, Бөгенбай батыр көшесінің қиылысы мекенжайы бойынша 211-кабинетте қабылданады. Құжаттарды Алматы қаласы Білім басқармасының қалалық білім берудегі жаңа технологиялар ғылыми-әдістемелік орталығының ғылыми-әдістемелік және инновациялық қызметі бойынша бөлім қабылдайды.
Құжаттардың электронды форматын міндетті түрде aiman_bigalieva@mail.ru және 72.dau@mail.ru электронды пошталарына «Гранттар конкурсы» белгісімен жіберу керек. Ұсынылған құжаттар негізінде тиісті деңгейдегі конкурстық комиссия конкурсқа қатысушылардың тіркеуін жүргізеді. Құжаттарды қабылдаудың белгіленген мерзімінен кейін ұсынған білім беру ұйымдары конкурсқа қатысуға жіберілмейді.
Конкурстың жеңімпаздары «Орта білім беретін үздік ұйым» байқауының лауреаты» арнайы құрмет дипломдарымен және Алматы қаласы әкімінің 56 млн теңге мөлшерінде грант алғаны туралы сертификаттармен марапатталады (ең төменгі жалақының сегіз жүз еселенген мөлшері).
Грантты тапсыру 2023 жылдың тамыз айында пленарлық қалалық конференцияға жоспарланып отыр. «Орта білім беретін үздік ұйым» грантын алған мемлекеттік орта білім беру мекемелері грантты білім беру ұйымының материалдық-техникалық жабдықталуын жақсартуға және білім беру процесін ғылыми-әдістемелік қамтамасыз етуге жұмсайды.
