Елорда әкімдігі мен «Астана дамыту орталығы» ЖШС кәсіптік бағдар беру әлеуметтік бағдарламасын іске қосты, оның аясында ағымдағы жылдың желтоқсан айына дейін елордадағы жалпы білім беретін мектептердің 7-10 сынып оқушылары мен колледждің 1 курс студенттері үшін танымдық экскурсиялар өткізілетін болады, «Современное образование» журналы қалалық әкімдіктің баспасөз қызметіне сілтеме жасай отырып хабарлайды.
Бұл бастама Қазақстан Республикасының туристік саласын дамытудың 2023 – 2029 жылдарға арналған тұжырымдамасының 5.2-тармағына сәйкес, сондай-ақ балалар мен жасөспірімдер туризмін дамыту мақсатында жүзеге асырылуда.
Экскурсиялар барысында Астананың 30-дан астам кәсіпорындары (университеттер, зауыттар, банктер, қонақ үйлер, мұражайлар, филармониялар, кітапханалар, өрт сөндіру бөлімі және т.б.) қатысушыларға әртүрлі кәсіптермен және қызмет салаларымен танысуға бірегей мүмкіндік береді.
Бұл жобаны іске асыру болашақ мамандықты таңдау кезінде оқушылардың ынтасы мен хабардарлығын арттыруға бағытталған.
Биылғы жылы 10 мың мектеп оқушысы болашақ мамандық таңдауда құнды тәжірибе мен білім беретін бағдарламаға қатысады.
Барлық ниет білдірушілерді осы бірегей бастамаға қосылуға және Қазақстан астанасында кәсіби мүмкіндіктер әлемімен танысуға шақырады.
