«Ақмола дарыны» дарынды балалар мен талантты жастарды анықтау және қолдау орталығы Сандықтау ауылының «Жас дәурен» жыл бойы балалар сауықтыру лагері алаңында мектептің өзін-өзі басқару және балалар қоғамдық ұйымдарының көшбасшылары арасындағы «Мен - елімнің ертеңімін!» облыстық форумын өткізді, «Замануи білім беру» журналы Ақмола облысы әкімдігінің білім басқармасы баспасөз қызметіне сілтеме жасай отырып хабарлайды.
Іс-шара балалардың қоғамдық ұйымдарының рөлі мен мәртебесін арттыруға балалардың мектеп және қоғамдық өмірге қатысуы бойынша әлеуметтік бастамаларды қолдауға бағытталған.
Форумға өңірдін 15 аудан, 3 қала және Астана қаласының №2 "Дарын" облыстық мамандандырылған мектеп–лицей-интернатынан, жетекшілерімен қоса, жалпы саны 125 көшбасшы қатысты.
Форум аясында мектеп парламентінің үздік командасына арналған «Мен -елімнің ертеңімін!» байқауы өтті, оған 18 команда қатысты.
Сайысты қорытындылай келе, орын алған командалар анықталды:
1 орын – Степногорск қаласының командасы;
2 орын – Атбасар ауданының командасы;
2 орын – Есіл ауданының командасы;
3 орын – Бурабай ауданының командасы;
3 орын – Көкшетау қаласының командасы;
3 орын – Қосшы қаласының командасы.
Сонымен қатар, номинациялар бойынша жеңімпаздар да анықталды:
- «Dream team» Ақкөл және Жақсы аудандарының командалары;
- «Біз біргеміз!» номинациясында Целиноград ауданының командасы, Астана қаласы №2 «Дарын» облыстық мамандандырылған мектеп- лицей-интернатының командасы.
Форум қатысушыларына форумға белсенді қатысқаны үшін үлестірме материалдар мен сертификаттар берілді. Сондай-ақ, 2023-2024 оқу жылының жұмысында көзге түскен мектеп өзін-өзі басқару көшбасшылары орталықтың алғыс хаттарымен марапатталды.
Kommentare