Шымкент қаласына жасаған жұмыс сапары аясында ҚР Ғылым және жоғары білім министрі Саясат Нұрбек Оңтүстік Қазақстан мемлекеттік педагогикалық университетінде білім алушыларға жасалған жайлы орта талаптарымен танысты. ҚР Ғылым және жоғары білім министрілігінің баспасөз қызметіне сілтеме жасап, «Современное образование» журналы хабарлайды.
Университетте білім алушыларға 4 жатақханалық кешен қызмет көрсетеді.
Оның ішінде 12-қабатты студенттер үйі университеттің негізгі инфрақұрылымдық базасы шоғырланған аймақта орналасып, оқу орнының бірыңғай кешенін құрайды.
440 орындық жатақханада әр бөлмеде екі студенттен орналасады, жеке санузел, жуынатын бөлме қаралған. Кешеннің әр қабатында ас дайындау, киім жуу, үтік басу аймақтары бар.
