17.05.2024.
2024 жылғы 23 мамырда талапкерлер үшін бакалавриатқа түсуге арналған «2024 жылы ЖОО-ға қалай түсуге болады?» атты кәсіптік бағдар беру онлайн-форумы өтеді.
«Заманауи білім беру» онлайн-форумдары оқуға түсушілер үшін ең аз уақыт пен күш жұмсай отырып, ең өзекті ақпараттан хабардар болуға мүмкіндік береді. Бір алаңда талапкерлер мен ата-аналардың жоғары оқу орындарына түсуге байланысты сұрақтарына нақты уақыттағы тікелей эфир форматында жауап беру үшін жоғары оқу орындарының қабылдау комиссияларының сарапшылары мен мамандары жиналады.
Талапкерлер өз сұрақтарын алдын ала, тіркеу кезеңінде, сондай-ақ Zoom платформасында форум өткізу кезінде немесе YouTube-те трансляциялау кезінде қоя алады. Сарапшылар түсініктемелер мен кеңестер береді, гранттардың сан алуан түрлері, жеңілдіктер мен арнайы бағдарламалар туралы әңгімелейді, талапкерлер үшін сенімді және соңғы ақпаратты айтады.
«Современное образование» журналының редакциясына талапкерлер мен олардың ата-аналарынан 1300-ден астам сұрақ келіп түсті. ҚР ҒЖБМ Жоғары және жоғары оқу орнынан кейінгі білім комитеті төрағасының орынбасары Жанна Есинбаева, мемлекеттік тапсырысты және білім алушылар контингентін қалыптастыру басқармасының сарапшылары, әртүрлі өңірлерден Қазақстанның жетекші жоғары оқу орындарының қабылдау комиссияларының өкілдері қатысушылардың неғұрлым жиі және өзекті сұрақтарына жауап береді. Мемлекеттік білім беру гранттары, жергілікті атқарушы органдардың гранттары, мерзімді әскери қызмет өткерген азаматтарға арналған жеңілдіктер, «Қазақстан халқына» ҚҚ білім беру гранттары, Қазақстанның әртүрлі өңірлеріндегі жоғары оқу орындарының үздік ұсыныстары және т.б. жарияланатын болады.
Жоғары оқу орындарының спикерлері мен өкілдері қандай да бір мәселе бойынша кімге жүгінуге болатыны туралы өз байланыс нөмірлерімен және ақпараттарымен бөліседі. Қабылдау кезеңінде бұл ақпарат шешуші рөл атқаруы мүмкін.
Форумның барлық қатысушылары «Современное образование» журналының бір тоқсандық басылымына тегін жазыла алады.
Онлайн-форумға Zoom конференциясына немесе YouTube трансляциясына сілтемелер бойынша кез келген құрылғыдан: смартфон немесе ноутбуктан қосылуға болады. Қатысу тегін, алдын ала тіркелу арқылы.
Зумға кіру сілтемесі:
YouTube трансляциясы:
Үлестірмелі материалдарды алу үшін тіркеліңіз:
Форум 2024 жылғы 23 мамырда сағат 14.00-ден 16.00-ге дейін өтеді.
Сондай-ақ, 2024 жылғы 6 маусымда магистратура және докторантура бағдарламаларына түсушілер үшін республикалық онлайн-форум, ал 11 маусымда ҚР ЖОО-сына түсетін шетелдік азаматтар үшін онлайн-форум өтеді.
Comments