Ахмет Ясауи университетінде Түркі әлемі математиктерінің VII Дүниежүзілік Конгресі (TWMS Congress 2023) бастау алды. Іс-шараға әлемнің 20 мемлекетінен 500-ден астам математик ғалымдар қатысуда, «Современное образование» журналы Ғылым және жоғары білім министрлігінің баспасөз қызметіне сілтеме жасай отырып хабарлайды.
Конгрестің негізгі мақсаты – ғалымдардың халықаралық байланыстары мен ғылыми ынтымақтастығын кеңейту, математика ғылымының дамуына және математиканың, ақпараттық технологиялардың жетістіктерін ғылыми зерттеулерде, техника мен білім беруде қолдануға үлес қосу. Іс-шара ҚР Ұлттық инженерлік академиясының президенті, Түркі әлемі математикалық қоғамының президенті академик Бақытжан Жұмағұлов төрағалығымен өтіп жатыр. Дүниежүзілік конгрестің салтанатты ашылу рәсіміне Мемлекет басшысы Қасым-Жомарт Тоқаев арнайы құттықтау хатын жолдап, ғылыми форум жұмысына сәттілік тіледі.
![](https://static.wixstatic.com/media/f48cb8_6a050486e58a472f9bbae2d7517f6a25~mv2.jpg/v1/fill/w_162,h_108,al_c,q_80,usm_0.66_1.00_0.01,blur_2,enc_auto/f48cb8_6a050486e58a472f9bbae2d7517f6a25~mv2.jpg)