Сіздің ыңғайлығыңыз үшін ҰБТ өткізілетін күннен бір күн бұрын тестілеудің КҮНІН, УАҚЫТЫН және ОРНЫН еске салатын SMS жолданатынын хабарлаймыз.
Яғни, әрбір талапкердің app.testcenter.kz сайтына тіркелу барысында көрсеткен телефон нөміріне хабарлама келеді.
Сондай-ақ, SMS кәмелеттік жасқа жетпеген тестке қатысушының ата-анасына немесе заңды өкілдеріне де жіберіледі.
Қаңтар, наурыз, негізгі және тамыз айларындағы ҰБТ-да ӘРТҮРЛІ бейіндік пәндер Алайда, негізгі ҰБТ-ны тапсыруға берілген ЕКІ МҮМКІНДІКТЕ ДЕ БІР бейіндік пәндер комбинациясын таңдау қажет.
Екі бейіндік пәнде бір немесе бірнеше дұрыс жауабы бар 10 тапсырма бар.
Бір немесе бірнеше дұрыс жауабы бар 5 тапсырмада максимум 3 дұрыс жауап болады. Яғни, бұндай тапсырмаларда бір, екі немесе үш дұрыс жауап болуы мүмкін.
Сәйкестікті анықтауға арналған 5 тапсырмада әрқашан екі дұрыс жауабы болады.
Тестілеу кезінде талапкерлерге 3 үзіліс беріледі:
60 минут өткеннен кейін 2 минут,
120 минуттан кейін 3 минут,
180 минуттан кейін 3 минут.
Бұл уақытта тестке қатысушылар жаттығу жасап, су ішіп, өздерімен бірге алып келген шоколадты жей алады.
Маңызды: үзіліс кезінде тестілеу уақыты тоқтамайды.
ҰБТ сертификатын Жеке кабинетіңіздің app.testcenter.kz «Менің іс-әрекетім» бөлімінен жүктеуге болады.
Сондай-ақ, кәмелетке (18 жасқа) толған тестіленушілер үшін сертификат eGov mobile мобильді қосымшасында «Цифрлық құжаттар» бөлімінде қолжетімді.
Айта кетейік, апелляцияға берген тест тапсырушылардың өтініші 30 күн ішінде қарастырылады. Сертификат апелляция шешімінен кейін қолжетімді болады.
МАҢЫЗДЫ: Сертификаттың растығын құжатта орналасқан QR код арқылы тексеруге болады.
Comments