Еліміз бойынша жаңартылған білім беру жүйесінің кей тұстары ата-аналардың көңілінен шықпай отыр, деп хабарлайды «Хабар 24».

Бұл бағдарлама бойынша оқушылар берілген тапсырмалардың басым бөлігін өзі орындауы тиіс. Ал ата-аналар «мектеп қабырғасында атқарылуы тиіс дүниені мұғалімдер біздің мойнымызға іліп қойды», - дейді. Жаңадан енгізілген әр тоқсан аяғындағы емтихан немесе оқушылардың алған білімдерін қорытындылау секілді реформаларға да ата-аналардың көпшілігі түсіне алмай дал. Көпшілік жаңа бағдарламалар оқушыға қосымша күш жүктейді деген пікірде.

Баян Жанғалиева, қала тұрғыны:

-Жаңартылған оқу жүйесіне әзірге менің көңілім толмайды. Бұрын оқушылардың білім дәрежесіне қарай баға қойылатын еді. Қазір ол жоқ. Баға қойылмағасын оқушының білім алуға деген ынта-ықыласы төмендеп кететін сияқты. Бағалау жүйесі көз алдымда болмаған соң өзім де баламның білім дәрежесін қадағалай алмай отырмын.