![](https://static.wixstatic.com/media/e2150f_03c0390b96c74cea8450ef46793cc869~mv2.jpg/v1/fill/w_980,h_635,al_c,q_85,usm_0.66_1.00_0.01,enc_auto/e2150f_03c0390b96c74cea8450ef46793cc869~mv2.jpg)
Бәсекеге қабілетті, заман тетігін жаңа үлгіде меңгерген, мықты маман дайындау- мемлекеттің алға қойған негізгі мақсаттарының бірі.
Тұңғыш Президентіміз Н.Ә. Назарбаев «Еліміздің ертеңі, бүгінгі жас ұрпақтың тағдыры – ұстаздың қолында» деп бір ауыз сөзбен ұстаздардың ұлт алдындағы жауапкершілігін айқындап берген болатын. Білім кілті- ұлағат иелерінің кең пейілді жарқын бейнесі мен білімділігі екенін тағы бір мәрте дәлелдеп отырған, Қазақстандағы ең алқашқы білім ордасы, Абай атындағы Қазақ ұлттық педагогикалық университетінің ұжымы екенін айтқым келеді. Оған дәлел, Абай университеті биылғы 2020 жылғы тәуелсіз агенттіктердің Қазақстандағы сұранысқа ие жоғары оқу орындарының ұлттық рейтингісі бойынша, елімізідің педагогикалық университеттер арасында 1-орынды иеленіп, жалпы жоғары оқу орындар арасында үздіктердің қатарынан орын алды.
Білім ордасы әр студентке білім мен ілім беріп қана қоймай, өмірлік ұстанымдары мен болашаққа сенімді қалыптастырып келе жатқан, көптеген тұлғалардың кәсіби мансабына жол ашқан қасиетті қарашаңырақ ұжымын үлкен жетістігімен құттықтаймын!
Ой еңбегінің мамандарына, білім ошақтарында қажетті деңгейде жас ұрпаққа білім беруімізге жағдай жасап, ізгі істерге бастама болып отыратын, ол әрине, басшыға тікелей байланысты. Осы орайда, Университетіміздің ректоры Такир Оспанұлы Балықбаевтың жасап жатырған игі істеріне, жаңашыл бастамаларына, көрсетіп жатқан қолдауларына барлық әріптестерім атынан үлкен ризашылығымды білдіремін.
Абай университетінің болашақта халықаралық рейтингтердің көшбасшысы болуына, өсіп-өркендеуіне өз тарапымыздан барлық жағдайды жасай отырып, тұғырының биік болуын тілейміз!