Атырау облысы Білім беру басқармасының басшысы Сатқан Есенғалиев қазақтың бас ұстазы Ыбырай Алтынсариннің 180 жылдығына орай челлендж жолдады, деп хабарлайды ҚазАқпарат.
«Қазақтың көрнекті ағартушы-педагогы, жазушы, этнограф Ыбырай Алтынсариннің есімін ұрпақ арасында насихаттау мақсатында ұйымдастырылған ұстаздар челленджі Батыс Қазақстан облысы білім беру басқармасының басшысы Айгүл Әділгерейқызы Мыңбаеваға жолданды», делінген хабарламада.
Атыраулық ұстаздар ұйымдастырған видео-челленджде Ы.Алтынсариннің өнеге, білім тақырыбындағы нақыл сөздері айтылды.