«Халықаралық бағдарламалар орталығы» АҚ «2021 Түркия Бурслары» гранттық бағдарламасына құжат қабылданып жатқанын жария етті, деп хабарлайды ҚазАқпарат тілшісі.
Түркия Республикасы тарапынан жыл сайын берілетін гранттық бағдарламаның құжат тапсыру мерзімі 2021 жылдың 10 қаңтары мен 20 ақпан күндері аралығында жалғасады. «Түркия Бурслары» гранттық бағдарламасына құжат тапсыруға байланысты ақпараттарды ресми сайттан www.turkiyeburslari.gov.tr алуға болады. Құжаттар онлайн тапсырылады.
«Түркия Бурслары» гранттық бағдарламасына құжат тапсыру тегін және оны үміткерлер тарапынан тапсырылу керек. Құжат тапсыратын үміткерлерге ақылы түрде құжат тапсырып беруді ұсынатын кісілерге немесе мекемелерге сенбеулерін сұраймыз. Құжат тапсыратын үміткерлер құжат тапсыру барысында сұрақтары туындаған жағдайда Түрік Елшілігі білім бөліміне телефон соғу арқылы (+7 7172 704 678) немесе Нұр-Сұлтан қаласы Ташенов көшесі 3, адресіндегі Консулдыққа келіп ақпарат алуларына болады», - делінген орталықтың Инстаграм парақшасында.
Сондай-ақ үміткерлер құжат тапсыруға байланысты сұрақтары бойынша Алматы қаласында Түрік Бас консулдығы Білім Бөліміне (+7 7272 784 165), Ақтау қаласындағы Түрік Бас консулдығына (+7 7292 424 300) хабарласып ақпарат ала алады.
Автор: Аян Бекенұлы